MUSEUM WAYANG SENDHANG MAS BANYUMAS

Wayang niku salah sawijining kesenian ingkang dados ciri khas saking Jawa. Wayang niku pirang pirang rupane, wonten wayang golek, wayang kulit, wayang suket lan sapanunggalanne. Mula saking niku, wayang wayang ingkang werna-werna ragame kudu di lestarikaken saengga generasi generasi teng nginggilipun kula lan panjenengan sedaya teksih saged mangertos kebudayaan jawa niki. Salah satunggaling carane yakuwi mangun Museum Wayang.

Kutha Banyumas nggadhahi museum wayang ingkang jenengipun Museum Wayang Sendhang Mas. Sendhang Mas kuwi singkatan saking Seni Pedhalangan Banyumas. Museum niki diprakarsani dening Bapak Soepardjo Roestam kalih sesepuh sesepuh sanesipun kayata Bapak Soerono, Soesilo Sudarman lan tokoh budayawan Banyumas ning tahun 1983. Lokasine yakuwi sebelah ngalor utawi utara Alun-alun Banyumas, teng sisi wetanipun Pendhapa Sipanji Banyumas.

Teng ngajengipun Museum wayang sendhang mas wonten patung bawor ingkang dados maskotipun Banyumas. Mlebet malih teng ambal-ambalan utawi teras museum wayang wonten patung singa mas.Tiket mlebet Museum Sendhang Mas yakuwi Rp.1000 /tiyang. Kalih rega seniku panjenengan sampun saged mlebet museum wayang sendhang mas ugi didampingi kalih pemandu wisata utawi guide.

 Mlebet teng Museum Wayang, lajeng disambut dening gambar wayang Punakawan. Punakawan yakuwi karakter ingkang khas teng pewayangan Indonesia.Punakawan niku asale saking tembung Puna ingkang tegese susah utawi angel, kalih Kawan ingkang tegese kanca, sedulur. Dados nek dicampuraken tegese yakuwi kanca ingkang tansah setia teng swasana susah. Wonten malih tafsir sanesipun saking Punakawan menika, Puna yakuwi padhang utawi terang lan Kawan yakuwi kanca. Dados tegese kanca ingkang ngejak marang dalan sing padhang utawi dalan ingkang sae.

Punakawan kuwi mralambangaken tiyang-tiyang ingkang semesthine. Tokoh tokoh wayang teng Punakawan inggih menika Semar, Gareng, Petruk, Bagong/Bawor. Saben tokoh punakawan nggadhahi karakter piyambak – piyambak.

1.    SEMAR

Semar saking tembung Samara ingkang tegesipun cekat ceket. Semar niku cikal bakal saking Punakawan. Karakteripun Semar niku jujur, mboten sombong lan tansah welas asih dhumateng sapadha-padha. Karakteripun Semar dados teladan kangge kula lan panjenengan saengga tansah mboten sombong kalih kelewihan ingkang dipun gadhahi.

2.    GARENG

Gareng niku putranipun Semar ingkang kaping setunggal, Gareng nggadhahi arti pujaan. Gareng niku tokoh wayang ingkang mboten seneng matur, nopo sing diaturaken biasane dados serba salah. Tokoh niki yakuwi tokoh wayang ingkang nggadhahi kecacatan teng raganipun. Kecacatan kuwi nggadhahi arti kula lan panjenengan tansah ngaturaken raos syukur kalih nopo ingkang sampun diparingi Gusti Allah dhumateng kula lan panjenengan.

3.    PETRUK

Petruk niku putranipun Semar ingkang kaping kalih. Ciri ingkang khas saking Petruk niku bentuke ingkang dawa. Dados nggadhahi filosofi, ingkang ngadepi kahuripan, menungsa tansah berpikir ingkang dawa lan sabar. Petruk niku tokoh ingkang nakal lan cerdas, seneng nyindir babagan ingkang mboten sae kalih lawakan-lawakan.

4.    BAWOR

Bawor niku putranipun Semar ingkang paling alit. Teng cariyos pewayangan, Bawor dicariyosaken diciptakaken saking bayanganipun Semar saengga rupa ragane nggih sami kalih Semar. Karakter Bawor mralambangaken menungsa tansah urip priatin, sabar lan mboten seneng sanget kalih kahuripan dunia ingkang fana.

Wayang Golek

Kumpulan Wayang

Wayang Suket

Mboten wayang punakawan mawon, teng museum wayang Sendhang Mas niki wonten wayang golek, wayang suket lan wayang wayang sanesipun. Teng sisi tengah wonten gamelan ingkang dados pengiring teng pementasan wayang. Museum Sendhang Mas buka saben dinten Senin – Kamis wanci 08.00 – 14.00. Lajeng dinten Jum’at buka wanci 08.00 – 11.00.

Menika sekedhik informasi saking kula, mugi mugi bermanfaat kangge panjenengan.

Wassalamu’alaikum Warahmatullahi Wabarokatuh

Kelompok X IPS 1 
- Bella Setiarini (10)
- Bulan Asri Permatadewi (11)
- Elmira Bella Radinka (19)
- Putri Husna Anasya (31)
- Rahayu Kurnia Dewi (33)